نشرت يارا خطيبة المطرب مسلم صورة تجمعها بخطيبها «مسلم»، في حفل عشاء رومانسي عبر حسابها الرسمي على «انستجرام»؛ وعلقت: «بحبك يا حبيبي»، وقام «مسلم» بالرد على الصور ووضع إيموجي لخاتم الخطوبة.
وبذلك أعلنت «يارا» عن عودتها مرة أخرى لخطيبها المطرب مسل؛” بعد انفصالهما مرتين خلال الفترة الماضية.
وفي الانفصال الأول أعلن مسلم لبرنامج «أسرار»، الذي تقدمه الإعلامية أميرة بدر على شاشة «النهار»، أنه عاد مرة أخرى لخطيبته السابقة والتي وقفت بجانبه كثيرا.
وأضاف مسلم: خطبت بعد طلاقي بـ 7 شهور، لأني حبيت من قلبي مش بعقلي واختيار قلبي، والمرة اللي فاتت كانت اختيار الناس وأني اقعد في البيت واتجوز وممشيش غلط، وكلنا بنغلط وكلنا خطائين، واللي خطبتها من برا المجال ومحترمة من عيلة، واتظلمت معايا، وكانت بتستحمل، والناس افتكرت انها اخدتني من طليقتي وابني.
واستكمل مسلم: أنا معملتش حاجة غلط وعملت خطوبة زي أي بني آدم ومجرحتش حد طليقته بالخطوبة اللي عملتها، وراعيت مشاعرها وعمري ما هجرحها لأنها أم ابني، وكنا مطلقين ومش قايلين لحد، ولما بدأنا نشوف حياتنا قولنا نعلن عشان الناس تعرف، الناس قالت خطوة سريعة، ولكن حسيت مع خطيبتي بحاجات محستهاش مع اللي قبلها، حبيت أن ثقتي في نفسي زادت وقبل كده مكنتش عايش حياة.
وأضاف مسلم، أنه عاد مرة أخرى لخطيبته بعد إعلانه فسخ الخطوبة: ده تسرع مني وأنا اللي نزلت إننا فركشنا وفي ناس قالت بغيظ طليقتي ولا محتاجة أعمل تريند عشان اتشهر، بندم اني عرفت للناس تفاصيل حياتي الشخصية بس اتعلمت، وأنا بني ادم عايز احب واعمل اسرة وحياة،.
وقال مسلم: “احنا رجعنا لبعض لأننا مستحملناش نبعد عن بعض ومرضيناش نقول إننا رجعنا، عشان الناس متفكرش نعمل لقطة ولا تريند، ومش حابب حد يحطها في الحتة دي لأنها أنضف من كده، وناوي اننا نعقل ونكبر ومنتسرعش في اي حاجة بعد كده، أنا اللي اتقمصت شوية وموقف حصل ولكنها مسبتنيش، واحترمتها”.
