تحدث الفنان تامر عاشور عن طريقته في الغناء، موضحًا أن الدراما في الغناء ليست حزينة وإنما هي تعبر عما داخل الشخص، كما وجه رسالة للفنانة شيرين عبدالوهاب بعد أزمتها الأخيرة مع شقيقها.
أضاف تامر عاشور خلال تصريحات تلفزيونية: «بحب النكد زي عينيا.. ده الشكل بتاعي أنا مهتم بيه وبقدر أطلع منه أغاني تعجب الناس ونبقى بنفرج على نفسنا بالدراما».
أضاف: «الدراما مبتحزنش الدراما.. هي بتفرج عن اللي جواك وبتحس إن أنا بقولك اللي انت عايز تقوله ده إحساس جديد ومعتقدتش إن في ناس كتير بتعمله».
تامر عاشور يوجه رسالة لـ شيرين عبدالوهاب
فيما وجه «عاشور» رسالة للفنانة شيرين عبدالوهاب بعد أزمتها الأخيرة قائلًا: «أنا بحبك وبحترمك وبحترم فنك وإن شاء الله نتقابل أنا وأنتي في حفلة كبيرة نفسي أعمل معاها حفلة كبيرة وديتو وألحان».
كما كشف «عاشور» تفاصيل ألبوم الجديد، موضحًا: «الألبوم هينزل كامل في آخر الصيف، فيه 10 أغاني.. أشكال المزيكا مختلفة تماما عن اللي كان بيتقدم قبل كده وفي نفس الوقت مش غريبة على ودن الناس أشكال موسيقية حلوة والكلام جديد جدا».
تامر عاشور يعلق على أزمة شيرين عبدالوهاب وحسام حبيب مع أسرتها.. ماذا قال؟
علق الفنان تامر عاشور على أزمة الفنانة شيرين عبدالوهاب الأخيرة مع أسرتها، وتداول تسجيلات صوتية مسربة لزوجها السابق الفنان حسام حبيب.
ماذا قال تامر عاشور لـ شيرين عبدالوهاب
وكتب تامر عاشور، عبر حسابه الرسمي بموقع التواصل الاجتماعى «X»، قائلا: «كل اللي أقدر أقوله في موضوع شيرين عبدالوهاب إن مفيش كلمة واحدة بس من اللي اتقالت وانتشرت صح أنا قريب من أهل شيرين ووالدتها وأخوها.. أنا برضه اقولها أني بحبها وكل الدنيا بتحبها وتحب فنها.. أهل شيرين مظهروش في حياتها آخر سنتين تلاتة.. أهل شيرين هم أهل شيرين من زمان كل نجاحات شيرين كانت وسط أهلها وناسها اللي يشيلوها من ع الأرض شيل».
وأضاف: «يارب يبعد عنها كل خبيث وأناني وفاشل وممثل.. هي أطيب منهم كلهم، وهم اللي وقعوها في كل مشاكلها» أنت بمن حولك لو اللي حواليك فشلة غصب عنك لازم تبقى زيهم وتعافر علشان تقدر تمارس اللي كنت بتعمله في عدم وجودهم بمنتهى السهولة.. أنا كلت عيش وملح في بيتها وفي بيت أمها وأخوها وكان لازم أقول الكلام ده علشان الكلام ده هو الكلام الحقيقي ولا كلمة من اللي اتقالت واتسمعت ليها أساس من الصحة.. أهل شيرين هم أهل شيرين من زمان أوي.. بالعقل».
