كنت تعرف قبل كده إن مسلسل المداح هو شخصية حقيقية مش من خيال المؤلف؟ .. والمداح الحقيقي هو الساحر اليمني التائب “داود فرحان” والي قال في تصريحات ليه انه حضر إبليس نفسه و اتوهب كا قربان للشياطين من وهو طفل عنده ٦ شهور بس
مسلسل المداح مش مجرد عمل درامي فيه نوع من التشويق للمشاهد ، بل بالعكس المسلسل كله أسقطاط حقيقية عن حاجات بتحصل على ارض الواقع في صراع الخير والشر والفتنة والي بيذكر كمان اسماء الشياطين بأسمائهم الحقيقية مش مجرد اسماء وخلاص ..
سمعت المقولة الي بتقول : مات في القرية ساحراً فا استراحوا الناس من اذاه.. خلف الساحر جنياً فاق في السحر اباه
اهو دا بالظبط الي حصل في قصة الساحر اليمني داود فرحان الي عاش مع الشياطين والسحر لأكتر من ١٨ سنة ، اتولد داود لأب ساحر واهب روحه لخدمة الشياطين والجن واما كبر في العمر والشياطين ديه حست بإن اجله قرب ، وقتها طلبت منه إن يسلم ليهم ابنه من بعده ويكمل مسيرته ويكون بديل ليه..
وبالفعل من وهو في سن ال ٦ شهور بدأ ابوه يمارس عليه بعض الطلاسم والطقوس الي تخلي الجن يتلبس بيه ، داود من وهو طفل صغير كان بيصحي من النوم مفزوع ويصر.خ ويعيط بدون سبب ودا الوقت الي بيكون الجن قريب منه ،وقتها ابوه كان عارف ان الي بيحصل لابنه هو بداية تلبس الجن بيه لأن دا الي كان بيحصل معاه بردو في بداية دخوله العالم المـ..لعـ.ون داه
فضل على الحال داه لحد لما وصل سن ال ١٤ وقتها كان ابوه توفي ، داود كان بيميل للعزلة ودايما يحب يختلي بنفسه بعيداً عن الناس ، كان دايما يحب يقعد في الصحرا بعيد عن البشر ، هو ماكنش عارف ايه سبب حبه في العزلة بس كان دايما حاسس ان فيه شئ جواه هو الي بيجبره على كده
لحد ما فـ يوم واثناء وجوده في الصحرا وهو قاعد فجأة يظهرله مجموعة من البنات ،على روايته بيحاولوا اغراءه، هو كان عارف ومتأكد ان البنات ديه مش بشر وهما مجموعة من الجن متلبسين في هيئة بشر فمكنش بيقرب منهم ، وفضل على الحال داه كل يوم ، يصحي من النوم يروح يقعد في الصحرا ويشوف البنات دول قدامه..
لحد ما يجي في يوم وهو مروح لبيته وفي حته مقطوعة وسط الصحرا يلاقي دابة او معزة سودة مربوطة في شجرة ، استغرب مين الي ربط المعزة في مكان مقطوع زي داه ، في الوقت داه كان في إيديه عصايا قرب بيها للمعزة ديه يضـ..ربها بيها وياخده معاه للبيت ، لكنه يتفاجئ إن المعزة بتتكلم بصوت بنت وبتقوله : متقربش اكتر من كده انت عاوز تضـ..ربني بالعصايا الي ف إيديك؟
عشان لما يسمع صوتها يطلع يجري على البيت وهو مرعوب وعمال يصـ..رخ ، امه لما عرفت الي حصل قررت انها تكتفه وتحبسه في البيت متخرجهوش منه ، في الوقت داه كان بيشوف بنات لابسين اسود بيظهورله دايما ، ورغم ان امه كانت عارفه انه هيمشي في سكة ابوه وكان نفسها تنقذه إلا انه كان بيصعب عليها وكانت بتفك سراحه كل يوم بليل يخرج من اسره شوية ، وحتي اليوم الي امه مكنتش بتفكه فيه كان بيقدر يتخلص من قيوده بمساعدة الجن، بيقول داود انه في الفترة ديه كان بيهوي اكل الاكل الفا.سد والقاذورات بل انه كان بيشتهي اكل الحيوانات الميـ..ته والمقتـ..ولة المرمية في الطرق وهو مش عارف ايه سبب حبه للنوع دا من الاكل
امه اخدته عرضته علي شيخ جارهم عشان يعالجه لكن تتفاجئ انها اول ما تدخل بيه عليه ويشوفه يطرده بره ويطلب منها متجيبهوش عنده تاني ، الست يئست وبعد ٣ سنين تقرر تطلق سراحه وتبطل تكتفه وتحبسه في البيت زي ما كانت بتعمل .. عشان يسافر داود لبلد قريبة منهم مشهورة بـ انها بلد سحر ومعظم أهلها سحرا، وكان رايح هناك لساحر معين الجن هو الي طلب منه إنه يروحله
الساحر داه قرأ عليه بعض الطلاسم والطقوس وبعدها قاله خلاص انت كده جاهز انك تعالج الناس وتحقق طلاباتهم ، واداله بعض الطلاسم الي لو عملها هيقدر يحقق بيها حاجات معينة بمساعدة الجن طبعاً ، اداله كمان كتب مشهورة جدآ في السحر وقاله انت لازم تحفظ الكتب ديه ، و فترة صغيرة كان قدر داود انه يتقن كل انواع السحر ويسخر خدام من الجن
رجع بلده و أوهم الناس انه معالج روحاني ، وبقي يعقد جلسات لعلاج الناس المأذية من المس والحاجات ديه ، في الجلسات ديه كان بيحضر الجن وكانوا بيجيبوله كل المعلومات عن الشخص الي قاعد قدامه وداه عن طريق ان الجن بيستجوب قرين الشخص داه ويعرف كل حاجه عنه ويقولها لداود الي شهرته وصلت لكل البلاد الي حواليه على أنه مداح و ولي من أولياء الله الصالحين
ودا لأنه اوهم الناس انه ليه قدرات خارقة والناس كانت بتشوف داه ب عينيها لكن كل دا كان وهم وخداع عن طريق الخدام بتوعه من الجن والي طلب منهم بعد كده انه عاوز خدام اقوي ويكون ليهم قدرات اكبر يفيدوه بيها ..
وبالفعل يختلي بنفس ويعمل جلسه يستحضر فيها واحد من اقوي انواع الجان والي بيقول انه اثناء الجلسة ديه فجأة ظهر قدامه شخص لابس ابيض ف ابيض لكن شكله مر..عب مفيش انسان عادي يقدر يستحمل شكله ، من قوته جسمه اتنقض وكان بيترعش ، كان عارف ان دا واحد من اقوي انواع الجن المتمردين والي طلب منه يسخرله خدام ليهم قدرات تفوق الخدم الي معاه..
بيقول ان الشخص دا اختفي وبعد دقيقة واحدة ظهر قدامه عدد ضخم من الجن بشكلهم الحقيقي ، كان عارف ان دول من اقوي انواع الجن والي طلبوا منه أنهم عشان يكونوا في خدمته ليهم شرط ، لو نفذه هيوصل لأعلي مرتبة من القدرات في السحر
طلبوا منه يقعد في خلوة في مكان بعيد عن الناس لمدة ٤٠ يوم ، في الخلوة ديه هيصلي قدام قبر معين هما وصفوه ليه لكن بدون وضوء ، أعوذ بالله هيجيب المصحف يقسمه نصين ويحط في كل رجل نص ويمشي بيه ، هيدخل الحمام ويفرش ورق المصحف ومش محتاج اقول هيعمل ايه بعد كده ، وشرط كمان يكون فترة ال ٤٠ يوم على جنابة وغير طاهر
بيقول ان كل كام يوم كان بيظهرله في خلوته شخص بليل لابس اسود ف اسود ملهوش اي ملامح توضح شكله والي كان غالبا جن ، يدخل يديله اكل ريحته ق.ذرة لحيوان ميـ..ت وكان لازم ياكله..وفي نهاية ال ٤٠ يوم وبعد ما اشرك بالله ، يظهرله ابليس نفسه ويشوفه بشكله الحقيقي..
بعد ما اتم الخلوة حس ان جسمه مليان جـ..ن وشياطين وحس بشعور القوة الوهمي الي يقدر يسيطر بيه على أي حاجة ، لكنه في يوم من الايام بيحلم حلم غريب ، بيحلم انه كان ماشي قدام حفرة ويلاقي ابوه مرمي فيها وشكل وشه بشع ، شاف شكله اتخض ، ابوه قاله ابعد يا داود ..ابعد عن السكة ديه لا يحصلك زي ما حصلي..
صحي داود من النوم مخضوض وحاسس بـ احساس عمره ما حس بيه قبل كده وقرر انه هيتوضي ويصلي ، عشان يظهرله الجن ويحاولوا بكل الطرق يمنعوه من الي بيعمله لكنه اتوضي وصلي وتاب لربنا بعد ١٨ سنة سحر وشرك بالله
داود كان ليه زوجة حامل وطفلين ، مجرد ما تاب الجن قتـ..ل ولاده ومراته ، هتقولي هو الجن ممكن يقتـ..ل؟ ..هقولك لاء بس دا كان عهد بينه وبينهم ، انه لو خان او تاب هيقتـ..لوا ولاده ودا الي حصل ..
داود تاب ورجع لربنا وبقي مشهور بالساحر التائب ، الموضوع فيه تفاصيل كتير هو بنفسه حكاها بس الواحد مش قادر يقولها من بشا.عتها وفي النهاية ربنا سبحانه وتعالي بيقول
وَلَا يُفْلِحُ السَّاحِرُ حَيْثُ أَتَىٰ حفظكم الله من المس والسحر والعين أمين يارب العالمين
