تزامنًا مع أولى جلسات محاكمته.. ماذا قال عمرو دياب في تحقيقات النيابة؟

 

 

تنظر محكمة جنح التجمع، بعد قليل، أولى جلسات محاكمة المطرب عمرو دياب، بتهمة التعدي على شاب بالصفع داخل حفل زفاف.

 

 

نص التحقيقات التي أجرتها النيابة العامة – نيابة التجمع الجزئية بنيابة القاهرة الجديدة الكلية مع المطرب عمرو دياب في واقعة الصفع داخل أحد الفنادق الكبرى بالقاهرة الجديدة، والتي جاءت كالآتي:

 

س- ما الذي حدث إذًا وما هي ظروف حدوث تلك الواقعة؟.

 

 

 

ج- اللي حصل أنا قلته في التحقيقات قبل كده وإن اشخص مسكني وشدني بقوة من جنبي وقرصني أثناء إحيائي لحفل زفاف في 7 يونيو 2024، داخل أحد الفنادق الكبرى بالقاهرة الجديدة ولما حسيت إنه بيعتدي عليا قمت بضربه بإيدي وأنا مش عارف الضربة جاتله فين إلا لما الفيديو نزل على مواقع التواصل الاجتماعي وشوفت الضربة جاتله على وشه، وده كان رد فعل طبيعي علشان مسكني بقوة من جنبي وهو اللي استفزني بطريقته بعد ما اتصور معايا .. هو اللي بدأ بالتعدي عليا الأول واتسبب في إني أنهي فقرتي في حفل الزفاف علشان اتسبب لي في إيذاء بدني من أنه قام بإمساكي من جنبي بقوة وقرصني وإيذاء معنوي لأنه قام بالتشهير بيا على مواقع التواصل الاجتماعي وقمت بإبلاغ المحامي بتحرير محضر ضده ده كل اللي حصل.

 

 

 

س- وما هي بادرة تقابلك مع المدعو سعد أسامة حال حدوث تلك الواقعة؟.

 

 

 

ج- أنا كنت بأقوم بإحياء حفل زفاف في داخل أحد الفنادق الكبرى بالقاهرة الجديدة واتفاجئت بالشخص دا طلب مني إنه يتصور معايا.

 

 

 

س- وما هي علاقتك بسالف الذكر وهل من ثمة خلافات بينكم؟.

 

 

 

ج- أنا معرفوش ومفيش بينا علاقة.

 

 

 

س- وما هي الأفعال التي أتاها سالف الذكر تجاهك؟.

 

 

 

ج- هو طلب مني إنه يتصور معايا وبعدها اتصور معايا ومسكني من جنبي وشدني وقرصني.

 

 

 

س- وما هي الحالة التي كان عليها سالف الذكر؟.

 

 

 

ج- هو كان بيستفزني قدام الناس بطريقته وهو ماسك جنبي وبيقرصني بإيده.

 

 

 

س- وما التصرف الذي بدر منك عقب إتيان سالف الذكر بتلك الأفعال؟.

 

 

 

ج- أنا لفيت بسرعة علشان أبعد عنه ومن شدة الألم ضربته بإيدي علشان أبعده عني وبعدها نهيت فقرتي وغادرت المكان.

 

 

 

س- وكم عدد الضربات التي كلتها للمدعو سعد أسامة سعد حينها؟.

 

 

 

ج- مرة واحدة.

 

 

 

س- وأين استقرت تلك الضربة بجسد سالف الذكر؟.

 

 

 

ج- أنا في اللحظة اللي ضربته فيها مخدش بالي استقرت فين، بس بعد ما شوفت الفيديو على مواقع التواصل الاجتماعي عرفت إنها جت على وشه.

 

 

 

س- وما أثر ذلك على سالف الذكر؟.

 

 

 

ج- أنا معرفش لأني غادرت المكان بعدها.

 

 

س- وما سبب قيامك بإتيان تلك الأفعال؟.

 

 

ج- دا كان رد طبيعي وتلقائي مني ومحاولة للدفاع عن نفسي من الاعتداء اللي اتسببلي فيه الشخص دا.

 

 

 

س- وهل قمت بإتيان تلك الأفعال مع ثمة أشخاص؟.

 

 

ج- أنا أول مرة أعمل كده.

 

 

 

س- وما سبب قيامك بإتيان ذلك الفعل على المدعو سعد أسامة تحديدًا؟.

 

 

ج- علشان هو مسكني جامد من جنبي على الرغم من إني سمحتله يتصور معايا وبعد كده لقيته بيشدني من جنبي وبيقرصني ودا رد فعل طبيعي أي حد مكاني كان هيعمل كده.