انتقدت الفنانة والراقصة الاستعراضية نجوى فؤاد، انتشار ظاهرة الراقصات الأجنبيات وخاصة الروسيات في مصر خلال الفترة الأخيرة.
View this post on Instagram
وقالت نجوى فؤاد، في تصريحات تليفزيونية سابقة، إن بعض الأماكن في الساحل الشمالي أصبحت مثل كباريهات الدرجة الثالثة، مضيفة: “الراقصات الروسيات بوظوا المصريات”.
وتابعت الفنانة الكبيرة: “أنا مش بدخل الدين في الرقص، أنا بقول ربنا قال احتشموا، بعض السيدات بيحجزوا عشان يتفرجوا على راقصات الساعة الـ12 الظهر، لابسين بدل شفافة، كله عريان، إيه ده، إحنا مسلمين، ولينا ديننا واحترامنا”.
وعن مستقبل الرقص الشرقي في مصر، قالت نجوى فؤاد: “مفيش رقص شرقي خلاص، انقرض، في روسيات، دول فراخ جمعية، بيرقصوا بس رقص تدريبي، واحدة متدربة بتنفذ حركات، مفيش الإحساس من جوه، مفيش الشرقية بتاعتنا”.
وأضافت الفنانة القديرة: “هما يرقصوا مفيش مشكلة، بس بسمع إنهم بياخدوا أرقام فلكية، وثانيًا العري زيادة عن اللزوم، لازم يكون في رقابة على الكلام، بيروحوا أفراح عائلات وفيها أطفال ومراهقين، فده ميصحش يبان ليهم”.
