خلاف جديد جمع بين نجمتان على السوشيال ميديا والسبب تشابه أسماء جمع بين المطربة إيناس عز الدين والممثلة إيناس عز الدين وذلك بعد أن كشفت الأولى تعرضها لأزمة صحية بسبب الحزن على رحيل والدتها.
وبسبب تشابه الأسماء بين النجمتان اختلط الأمر على البعض وظن أنها الممثلة ولكن خرجت الممثلة إيناس عز الدين وعلقت على أخبار تعرضها لوعكة صحية قائلة :«أنا كويسة.. كفاية استغلال اسمي وصورتي».
ليثير هذا التعليق غضب المطربة إيناس عز الدين التي علقت عبر صفحتها الشخصية على فيسبوك قائلة :« يا ستي هو إنتي حد جه جنبك ولا داسلك على طرف؟ أنا وكتبت على صفحتي عن اللي حصل معايا بسبب الزعل والحزن وصدمة اتعرضتلها كانت هتفقدني حياتي وبطمن أهلي وإخواتي وأصحابي وحبايبي كتر ألف خيرهم».
وتابعت قائلة :«والصحافة كتبت وطمنوا الناس عني كتر ألف خيرهم مشكورين رغم إني لا طلبت يكتبوا ولا عمري ببعت أخبار ليا لأي صحفي رغم إن كلهم إخواتي وأصحابي » مضيفة:« لما يتكتب خبر في مليون موقع وتتحط صورتك بالخطأ على خبر أو إثنين منهم زي ما دايما بيحصل وبيحصل معايا برضوا وبكبر دماغي مش بشوف حد فيهم بيتكلم بالإسلوب ده».
وتابعت قائلة:«فا ترند إيه ومين اللي استغلوا صورك علشان يحققوا الترند يا أفندم ومين اللي عايز يركب ترند على حسك وبصورك؟ أنا ولا الصحافة اللي نزلت بالغلط صورتك على الخبر في موقع أو إتنين من بين ألف خبر؟ يعني علشان نفهم الكلام موجه لمين ونعرف نرد ؟».
واختتم حديثها قائلة: «طب كنتي قولي سلامات بدل الكلمتين دول.. ده والله فيه ناس ما بتطلع ترند إلا لما بتدخل على أي خط فيه إسمي وصورتي ويحطوه في جملة مفيدة.. والله هم يبكي وهم يضحك».
أزمة صحية
وكانت المطربة إيناس عز الدين قد أعلنت في وقت سابق عن نجاتهما من جلطة في القلب بسبب الحزن وأوضحت عبر صفحتها الشخصية على فيسبوك قائلة:«ربنا وحده اللى نجاني الفجر من جلطة في القلب والحمد لله إني انتبهت إنها بداية جلطة ولحقت نفسي.. الزعل بيعتصر القلب والروح».
